Beiseina Hlawhchham lo chu khawiah nge kan hmuh ang?

Mihring kan nih chhûng hian kan nunah thil pathum kan pumpelh theih hauh lo a awm a: kum lama upat tawlh tawlhna, dam lohna leh thihna. Nasa taka insawizawi in, ei ṭha tinrêng pawh ei ila, hêng thilte hi kan pumpelh thei hauh lo a ni. A tâwpah kan nunna chuan tâwp hun a nei tho ṭhin a ni. Kan thih hnu chuan eng nge bang ang? Bang engmah a awm lo. Mi hlawhtling takte chuan rokhawm tûr tam tak an hnutchhiah mai thei, an thilneihte chu an thih hnu chuan an ta a ni tawh chuang lo. Hetih hunah hian hlenchhuah leh khawlkhâwma awmte chu engmah lo mai an ni a. Mihring nun hi beisei bo a ni tiin kan sawi thei ang. Kan thlen tâwpna tûr chu thihna nêna ṭawihralna mai a ni a, chutichung chuan beisei tûr kan dap a. Kan hmu thei ang em?

Mitin mai hian an beiseina nghahna tûr thil emaw, mi tuemaw an zawng a. A tlangpuiin, kan beiseina a bo leh ṭhin chhan chu kan beisei thil chu a hlawhchham vâng leh rei tak daih beiseina min pek ṭhin loh vâng a ni a. Beidawnna tâwp lo rin kual (cycle) chhûngah kan tâng a, min tihlawhchham lo tûr thil hmu si lovin kan awm a ni. Kan rinna nghahna tûra tling, chatuana rin ngam—Pathian ngei chu kan beiseina a ni tûr a ni,

Khatih lai khân Krista tel lovin… beiseina nei lo leh Pathian tel lovin khawvêlah in awm a. Ephesi 2:12

Mihring nun hi beidawngin a awm ṭhin chhan chu Pathian, chatuan mi chu kan hloh tawh a. Pathian tel lo chuan he khawvêlah hian beiseina a awm lo a ni. Nimahsela Pathian hnênah kan kîrlehin beiseina kan chhar leh thei a. Pathian chuan mihring tâna an engkim nih leh kan beiseina anga Amah nêna min tihkhah leh beiseina kawnga min hruai a duh a ni.

Kan nunah beiseina kan hmuhna kawng pali a awm:

1. Kan chhûngril a ruak tih hriatna thûk tak kan neih a, kan pawm a ngai a. He hriatna hian Pathian i mamawh tih a hrilh che a. Pathian chu i nuna beiseina ni tûrin i mamawh a ni. Bible-ah lal ropui tak Solomona, khawvêlin a pêk theih zawng zawng nei leh tawnhriatna nei a awm a. Mahse a tâwpa a hmuh chhuah chu engkim hi engmah lo mai mai, thli ûm ang mai a ni a, ni hnuaiah thil thar rêng a awm lo tih hi a ni. Chubâkah Pathianin mihring thinlungah “chatuan” tia koh thil engemaw a dah tih a sawi bawk a. Chatuan chu he khawvêl thilten an tihreh theih loh, Pathian thlâkhlehna thûk tak chu a ni a—Pathian chauhin a tihkhat thei a, chhûngril taka ruaka inhriatna chu a titlai thei a ni.
2. Pathian chu kan engkim a ni thei tih kan hriat a ngai. Pathianin Amah lanchhuahtîra a aiawh tûrin, Ama anpui leh Amah ang takin min siam a. Keini hi kut kawr (glove), kut anpuia siam ang kan ni a, mahse kut tel lo chuan, hman tlâk loh leh ruak mai kan ni. Kut ang Pathian nêna tihkhah kan nih chuan, kan nun chhan chu tihfamkimin a awm a ni. Chutiang chuan min siam chhan tihfamkim a nihna tûrin, kan nunna anga Pathian kan dawn a ngai a ni. Pathian chauh chu kan ruakna tikhat thei leh kan tâna engkim ni thei awmchhun a ni.
3. Kan sim leh Pathian lam kan hawi a ngai. He khawvêl kan ngaihtuah dân leh beiseina kan nghahna thilte chu thlâk a ngai a. Sawrkârna, ram hruaitute leh khawvêl dinhmun inthlaknate chuan chatuan beiseina min pe lo. Min ti lunghnur fo zâwk a ni. Mihringten an hlenchhuah leh an beihnate chuan chhûngril ruakna chu an tikhat thei lo. Kan beihna chu kan sim a, kan hawikîr a, Pathian kan dawn a ngai zâwk a ni.
4. Isua Krista chu kan chhandamtu leh beiseina anga kan dawn a ngai. Isua kan neih chuan beiseina kan nei a, kan nun chu beiseinain a khat dâwn a ni. Kan ropui beiseina angin kan chhûnga Krista kaltlanga Ama ropui hausakna chu Pathianin hriattîr a duh a. Kan beiseina chuan thlen tâwpna tûr a nei a, chu thlen tâwpna chu ropuina—chatuana Pathian ropuinaa nun a ni. Kolossa 1:27 chuan, “An hnênah chuan Jentailte zînga he hriatthiam phâk loh thurûk ropuina hausakna hi eng nge a nih Pathianin hriattîr a duh rêng a ni, chu chu in chhûnga awm Krista, ropuina beiseina chu a ni,” tiin a sawi a. A hnuaia mi anga kan ṭawngṭai a, kan nihna pumpui Isua hnêna kan hawn maina hmangin Amah chu kan dawng thei a ni:

“Lalpa Isu, Kei chu mi ruak mai ka ni a, beisei tûr kan zâwng tih ka inpuang a. Nangmah lo chu thil engmah leh tumah ka beisei thei lo tih ka hria a. Ka nunna leh ka beiseina ni tûrin ka duh che a. Ka ruakna, ṭawihna leh thihna ata hi min chhandam tûrin ka duh che a. Lalpa Isu, ka chhandamtu leh beiseina ni tûrin ka dawng a che. Ka beiseina leh ropuina angin ka mamawh che,” tiin.

Kan beiseina anga Krista kan dawn hnu chuan, he minung hi kan chen chhunzawm a, kan chhûnga a ṭhan kan phal leh Pathian ropuinaa a pumhluma min hruailuh kan inphal tûr a ni.

“Kan nunna anga kan chhûnga chêng Krista chuan vawiin hian Pathian khahna zawng zawng min chentîr thei chauh a ni lova, hun la kal tûrah Pathian ropuinaah min hruailût thei bawk a (Rom 8:17; Heb. 2:10). Chuvângin vawiina kan chhûnga chêng a nih angin, kawng khatah kan nunna a ni a, kawng leh lamah Amah chu kan ropui beiseina a ni bawk a (Kol. 3:4; 1:27). Vawiina kan nunna anga kan chhûnga a chênna awmzia chu, Amaha Pathian nunna kaltlangin, ṭhanna min pe ang a, Pathian anpuia tihdanglamnaah min hruai dâwn a ni, a tâwpah chuan Pathian ropuinaah kan ṭhanglût ang”
Nunna Hriatna, Bung 4

Nunna Hriatna. tih bu hi i chhiar chhunzawm dâwn nia. Hei hi kan Kristian lehkhabu a thlawna dawn theih zînga mi a ni.

*All quotes © by Living Stream Ministry. Verses are taken from "The New Testament Recovery Version Online" at https://online.recoveryversion.bible