Kristian Lehkhabu Free

"Kristian nun hi awmze thuk tak leh hlutnaa khat a ni a, nimahsela mi tam tak chuan he nun innghahna bulpui Pathian Thu, Bible in a sawi chu an hre lova. Kristian Nun Innghahna Bulpuite, Volume Khatna-ah hian, Watchman Nee leh Witness Lee chuan Kristian nun chu hmelhriattirin an sawifiah a. Pathianin chhandamna a ruahman chu bung khatah mihring nun chhuichhuah theih loh hmangin an tarlang a. A bung dawt lehte hian Kristian tâna tawnhriatna bulpui engemaw zât an sawi bawk a. Bung hnuhnung ber chuan ringtu Kristian nuna chabi pawimawh ber – mihring thlarau hmanga Krista tawnhriatna a sawi a ni. Pathian zawngtu leh Kristaa ṭhanlen duh ringtute chu heng thuchahte hian Kristian nun hausa leh hlu tak nei tûrin lungphûm nghet tak dinsak dawn a ni."

1. Mihring Nun Chhuichhuah theih loh: I mihring nun awmzia eng nge tih i ngaihtuah tawh ngai em? He leiah hian engvânga lo awm nge i nih tihte hi? A bika siam i nihdân leh Pathian dawn dân zir la, tin i chhandamna tûr kawng siam tûra Krista leia a lo kaldân en bawk ang che. 2. Chhandamna Chianzia, Himzia leh a Hlimawmna: A lungphûm sakhat tak ang chhandamna chianna hi Kristian nun ṭhanna atâna pawimawh êm êm a ni a. Hemi bungah hian, i chhandamna chianna tihnghehna tûr point 3 pêk i ni a, Krista chhandamna chatuan nihphung zia finfiahna tûr thil 8 leh i chhandamna hausakna chenna vawnṭhatna kawng 4 pêk i ni bawk a ni. 3. Krista Thisen Hlu: Kristian tân englai pawha Pathian pan hnaih theih a ni tih i hria em? Hei hi Krista thisen hlu thiltihtheihna hmang chauhin a ni. Sual engpawh, hmêlma aṭanga hêkna engpawh, mahni inthiamlohna engpawh a lo luh apiangin, inpuangin Lalpa hnehna thisen chu i chuh thei nghâl a ni. He inpuanna kaltlang hian, nangmah leh Pathian inkâra inpâwlna chu hmuhlêt a ni nghâl a! Nuam lo tihna te, i hun liam taa i hlawhchhamnaah emaw, Pathian aṭanga tihhran i nihna hriatnaah hun khawhral tam tawh suh. Englai pawhin, nitinin Krista thisen chatuana awmreng hmanchhuah chu zir la, Setana hêkna zawng zawng hneh tûrin thisen thiltihtheihna chu tawnhriatna nei ang che. 4. Lalpa Hming Koh: Hemi bungah hian, Thuthlung Hlui leh Thuthlung Thar ringtuten Lalpa hming an lo koh tawhna chanchin tawi kan hmu a. Hei hi Thuthlung Thar Kristian hmasate tihdân ṭhin leh Kristian nihna tilang chiangtu chabi a ni bawk. He bungah hian, Lalpa hming koh hlâwkzia i hre dâwn a ni. 5. Krista Tawnhriatna Chabi: Bible hian "Amahah kal rawh" (Kol. 2:6), "Keia tân zawng, nun hi Krista a ni" (Phil. 1:21) leh "Krista kan nunna" (Kol. 3:4) tihte a sawi a. Hei hi eng nge a awmzia? Lal Isua Krista i dawn hnu hian, engtin nge i nunna anga Krista chu a taka i lâk ang a, Amahah i kal theih ang? Nepnawi dâwrah i kal emaw, class-ah i ṭhu emaw, i ha i nâwt emaw, englai pawha Lalpa biakpawh chu a theih a ni. He bung hian i nitin nun phung pangngai kârah khân Krista tawnhriatna kawng a hawnsak che a ni.

"Kristian nun laipui chu Amah Krista hriat a ni a. Hemi atân hian nitin nunna kawnga Amah kan biakpawh leh tawnhriat a ngai a. He tawnhriatna hian thil pawimawh ṭhenkhat a huam a, thlarau lam chaw ṭha ei, thlarauva chibai bukna chatlak lo neih leh thlarau lam ṭhanna thûk neihte an ni a. Kristian Nun Innghahna Bulpuite, Volume Hnihna-ah hian, Watchman Nee leh Witness Lee chuan Kristian nun hrisel neih theih dân kawng an sawi a: Lalpa nena hun hman, Amah biakpawh dân kawng awlsam, leh Amaha thûk taka ṭhanna kawngte a ni a. Heng thuchahte hian zawngtu Kristiante chu Pathian Thu châwmna hausa te, englai pawha Krista biakpawhna, leh Pathian tawnhriatna thûk takah a hruai dawn a ni."

1. Lalpa Nena Hun Hman dun: He bung pawimawh tak hi Andrew Murray-a thil hmuh chhuah zinga, thin ṭhawng tak pakhat chanchinin a inṭan a - a thusawi ngaithlatu mipui zawng zawng zinga pakhat chiah nikhatah minute 30 a ṭawngṭai ṭhin a, a tam zâwk chuan nikhatah minute 5 chauh an hmang thung. Amaherawhchu, ṭawngṭaina tam tak neih hi kan Kristian nunah a pawimawh êm êm a ni! Witness Lee chuan Lalpa nena ṭawngṭaina awmze nei tak neih dân leh thlarau lam châwmna dawng tûra Pathian Thu chhiar dân chungchânga min pui tûr thil min pe a ni. 2. Lalpa Khawih Dân Kawng Awlsam: Ṭawngṭaina leh Thua Lalpa nena mimal taka zingkar hun kan neih bâkah hian, kan nilêng hun a la awm cheu a. He bung hian englai pawhin, khawihmunah pawh Lalpa khawih a, zawn a, chibai bûkna dân kawng, a taka tih theih nghâl mai leh kawng awlsam tak chu min hawnsak a ni. 3. Thûkna leh Thûkna Inau: Lalpa thûk zâwka tawnhriatna neih i thlahlel em? Lalpaa i ṭhan zêl laiin, i tawnhriatna neihte chu nangma tân chauh ni lovin, midangte tân an ni bawk tih i hmu ang a. Kan chhûnga Lalpa a kal thûk zêl kan phal a, Amaha zungkaiha kan awm lai hian, midangte nun chu thûk takin a nghawngtel dâwn a ni. Kan chhûngril hi khawih a nih tawh chuan, midangten puihna leh chhun ênna chu an dawng dâwn a ni. He bung chhiarna kaltlang hian he tawnhriatna taknaah hian lût rawh le.

"Kristian nun tâna pawimawh Krista tawnhriatna thui zâwk an awm a. Ringtu kan nih angin,dik leh diklo kalphung mai ni lovin, nunna kalphung sang zâwkin kan nung tûr a ni a. Pathian nunna-in kan nunah hna a thawh chuan, he nunna êngchhuak hian nundân dikah min hruai lut a, ringtu dangte nen Pathian huho pholanna, kohhranah min sachho a. Kristian Nun Innghahna Bulpuite, Volume Thumna ah hian, Watchman Nee leh Witness Lee chuan, heng tawnhriatna hi chipchiar takin an sawi a. Heng thuchate hian ringtu zawng zawngte hnenah an mimal ṭhanlenna atân leh kohhran sakchhohna atân thlarau lam chaw a pe dawn a ni."

1. Nun Kalphung Pahnih - Nunna Kalphung leh Dik leh Dik lo Kalphung: Kan tihtûr thil dik, Pathian thilte chu zawnchhuah tuma beiin, i tâng tlat em? Dik leh dik lo kalphung anga chawilen kan ni a, mahse tunah chuan Kristian kan nih angin, kan tehna chu a sâng zâwk a - chu chu Pathian nunna anga nun a ni! He nunna-tihdanglamna sawina bungah hian, Watchman Nee chuan nunna kalphung hmangin he a taka nun chungchâng hi min hawnsak a ni. 2. Kohhran Sakchhohna Kawng: Vawiin hian leiah tum neiin kan awm a, chu chu Krista Taksa ang kohhran sakchhoh a ni. He bungah hian kohhran tâna Pathian thil duhah tunah ngêi hian chanpual i neihdân i hmu dâwn a ni. 3. Thu Ṭawngṭai-chhiar: Kristian kan nih angin, ṭhan kan mamawh a. Naute chu naute a nih reng chuan, thilmak a ni ang chiah hian, Kristian chu a ṭhan loh chuan a pangngai lo a ni. Engtin nge Lalpaah chuan kan ṭhan ang? Pathian Thua thlarau lam hnute tui leh châwmna hmangin a ni! Witness Lee chuan ṭawngṭaina hmanga nung taka Pathian Thu lâk dân thurûk min pe a ni.

"Thuthlung Hlui tluana entirna leh a hlimthla zawng zawngte hian kan Chhandamtu Isua Krista nihna duhawm tak min pe a. Entirna pawimawh berte zinga pakhat, kan ngaihthah ṭhin chu ram ṭha hi a ni. Engkim-huap Krista tih bu-ah hian, Witness Lee chuan Deuteronomy bu chu a hrilhfiah a, Israel faten an rochun he ram hi tuna Thuthlung Thara kan rochun Krista entirna famkim a ni tih min kawhhmuh a. Ram ṭha hausakna chhuichhuah rual loh ṭhenkhat chipchiar taka a zirna chu min hlui a ni. Entirna tinte hi hrilhfiah leh ringtu kan nih anga kan tawnhriatnaa hmanchhuah theih a ni a. A tir aṭanga a tâwp thlengin Engkim-huap Krista tih bu hian Pathian zawngtute chu Pathian chatuan thiltum tihfamkimna atâna ram ṭha ang Krista chu nitin tawnhriatna nei a, chên tûrin min fuih a ni."

1. Engkim-huap Krista — Hmelhriattirna 2. Ram Ṭhatzia — A Hmunruak Ngahzia 3. Ram Ṭhatzia — A Chungnungna 4. Ram Ṭhatzia — A Hausakna Chhuichhuah rual loh I. Tui 5. Ram Thatzia — A Hausakna Chhuichhuah rual loh II. Chaw 6. Ram Thatzia — Ram Ṭhatzia II. Chaw (chhunzawmna) 7. Ram Ṭhatzia — A Hausakna Chhuichhuah rual loh III. Leilung Thil 8. Ram Ṭhatzia — A Hausakna Chhuichhuah rual loh III. Leilung Thil (chhunzawmna) 9. Ram chu Engtia Luah tûr Nge I. Beramno, Manna, Thuthlung bawm leh Biakbûk 10. Ram Chu engtia Luah Tur Nge II. Thilpek Hlan leh Puithiam nihna hmangin 11. Ram Chu Engtia Luah tûr Nge III. Inawp Dan Phung hmangin 12. Ram chu Engtia Luah tûr Nge IV. Sipai rual Siamchhuahna hmangin 13. Ram chu Engtia Luah tûr Nge V. Dodaltu Thilte 14. Ram Ṭhaa Luh 15. Ram Chhung Nun 16. Ramin a Rahchhuah — Temple leh Khawpui chu

"Kum 1927 ah Watchman Nee chuan Kristian ṭhanna leh hmasawnna chungchâng thlarau lam lehkhabu ropui tak 'Thlarau Mi' tih chu a tichhuak a. Chu lehkhabuah chuan Nee chuan ringtute thlarau nun hmasawnna atâna thupuan pawimawh leh a laipui, mihring chuan bunghrang pathum – thlarau, rilru nun leh taksa – a nei tih Bible thutak mâwlte a puangchhuak a. Pathian Inchhungkhur Relbawlnaah hian Nee-a thawhpui hnai ber leh rin ber, Witness Lee chuan he lungphum chungah hian Bible thupuan laipui – kohhrana Amah pholanna famkim nei tûrin mihring chhûngah Amah inthunluh a duh tih a hailang a. Pathian Inchhungkhur Relbawlnaah hian Lee chuan chiang takin Pathiana Minung chêtna leh A chatuan thiltum hlenchhuah nana mihringin Amah an thawhpuina kawngte min pe a ni.

1. Pathiana Mi Pathumte Inchhungkhur Relbawlna 2. Engkima Tâwkzo Thlarau 3. Pathian Thlarau Chênna Hmun 4. Thlarau Chenchilhna Chabi 5. Pathiana Mimalte leh Mihring Bung hrang 6. Chhungril leh Bung hrang Birûte 7. Chhunglam leh Bung hrang Birûte Hnathawh 8. Thinlung leh Thlarau Chinfelna 9. Rilru Chinfelna 10. Kan Chhunglam leh Bung hrang Inthup Laihna 11. Rilru (Soul) Aṭanga Thlarau Thliarhranna 12. Mihring leh Thingkung Pahnih 13. Kraws leh Rilru-Nunna 14. Kraws Nihphung 15. Thawhlehna Nihphung 16. Thawhlehna Hausakna 17. Nuna Inpawlna leh Nuna Hriatna 18. Thlarau Luhna Atana Insawizawina 19. Kan Thlaraua Krista Thuhrûk 20. Bung hrang Pathum nei Mihring leh Kohhran Chu 21. Pathian Chênna In sak 22. Pathian In sak Khuhna 23. Kohhran – Tisaa Pathian Lo Lang 24. Pathian Inchhûngkhur Relbawlna Chhinchhiahna Vision

"Pathianin a duh chu mihringin a famkima Amah a pholan, Ama anpui nihna a put, A ropuina a tihlan leh A hmelma ching tûra Ama thuneihna a neihte a ni a. Amaherawhchu, ringtu tlemte chauhin he thil hi Pathian nunna kaltlang chauha neih theih a ni tih an hmu thiam a. Chu aia tlem zawk chuan Krista thihna leh thawhlehna kaltlanga kan neih pathianna nun hriatna leh tawnhriatna hi an nei bawk a. Nunna Hriatna ah hian Witness Lee chuan nunna a hruaitu kawng, tihununtharlehna aṭanga bulṭanin, chhunglam nuna hriatna thlengin min tihên sak a. Nunna Hriatna hi Krista tawnhriatna dik leh he lehkhabu kawppui Nunna Tawnhriatna tih hmelhriattirna ṭangkai tak a ni."

"1. Nunna chu Eng nge ni? 2. Nunna Tawnhriat chu Eng nge Ni? 3. Nunna Tawnhriat Hmasaber Tihnuntharlehna 4. Tihnuntharlehna Kaltlanga Kan Hlawknate 5. Nunnaa Hriattheihna 6. Nunna Inpawlna 7. Thlarau Hriattheihna leh Thlarau Hriatna 8. Thlarau leh Rilru inkar Danglamna 9. Nun Pathum leh Dan Pali 10. Nunna Dan 11. Chhûnglam Hriatna 12. Nun Thanlenna Chu Eng nge Ni? 13. Nunna Luanchhuahna 14. Êng leh Nunna"

"Pathianin vânlam thlirna aṭangin kohhran, tlansa ringtute chu a thlir a. Sual leh sualte thiltihtheihna in a hneh tawh anga hmu lovin, Pathian chuan kohhran chu Krista kawppui ropui tak angin a hmu a. Kohhran Ropui ah hian Watchman Nee chuan Bible a kohhran sawina pali a sawifiah a: Genesis 2-a Evi, Ephesi 5-a nupui, Thupuan 12-a hmeichhia leh Thupuan 21 leh 22-a Mo. Hengah te hian Pathian chatuan thiltum hlenchhuahna tura kohhranin kohna sâng tak a dawn chu sawilan a ni a. Kum 1939 aṭanga 1942 chhunga Watchman Nee a thuchah sawi, tunhnai maia hmuhchhuah thar chuan he Kohhran Ropui lehlin thar hi nasa takin a tifamkim bawk a ni."

1. Pathian Ruahmanna Leh Pathian Chawlhna 2. Evi’n A Entir 3. Krista Taksa Leh Mo 4. “Nau-Puitling... A Hring Ta” 5. Khawpui Thianghlim, Jerusalem Thar Thu Belh: Hnehtute Leh Hunpui Inthlakthlenga Pathian Chet Dan