ကျွန်ုပ်တို့၏ ယုံကြည်ချက်

လူအများက ကျွန်ုပ်တို့၏ ယုံကြည်ချက်အကြောင်း ရံဖန်ရံခါ မေးကြလေ့ရှိသည်။ ဤသည်မှာ ကျွန်ုပ်တို့၏ ယုံကြည်ခြင်း ကြေညာချက် ဖြစ်ပါသည်။ ဤယုံကြည်ချက်များကို စောင့်ထိန်းခြင်းသည် ကျွန်ုပ်တို့၏ စာအုပ်များကို လက်ခံရရှိခြင်းအတွက် တောင်းဆိုချက်မဟုတ်ပါ။ ကျွန်ုပ်တို့၏ စာအုပ်များသည် မည်သူမဆို မည်သည့်ယုံကြည်ချက်နှင့်မဆို အခမဲ့ ရယူနိုင်ပါသည်။

ကျွန်ုပ်တို့ Rhema သည် ယုံကြည်သူများအားလုံး မျှဝေထားသည့် အများနှင့်ဆိုင်သော ယုံကြည်ချက်ကို ကိုင်စွဲထားပြီး၊ ဓမ္မသစ်ကျမ်းတွင် တင်ဆက်ပြသထားသည့် အကြောင်းအရာများပင် ဖြစ်ပါသည်။ အထူးသဖြင့် ဤအများနှင့်ဆိုင်သည့် ဓမ္မသစ် ယုံကြည်ချက်သည် သမ္မာကျမ်းစာ၊ ဘုရားသခင်၊ ခရစ်တော်၊ ကယ်တင်ခြင်းနှင့် ထာဝရအသက် တို့နှင့်စပ်လျဉ်း၍ ယုံကြည်သည့် အောက်ဖော်ပြပါ အကြောင်းအရာများဖြင့် ပေါင်းစပ်ထားသည်။

• သမ္မာကျမ်းစာသည် ပြည့်စုံသော ဘုရားဆိုင်ရာ ဖွင့်ပြခြင်း၊ စကားလုံးတစ်လုံးချင်းစီသည် သန့်ရှင်းသော ဝိညာဉ်တော် မှတစ်ဆင့် ဘုရားသခင်၏ စေ့ဆော်မှု ဖြစ်သည်။
• ဘုရားသခင်သည် တုနှိုင်းရာမဲ့ ထာဝရ တစ်ပါးတည်းဖြစ်ပြီး၊ ခမည်းတော်၊ သားတော်နှင့် ဝိညာဉ်တော် ဟူ၍ ဤသုံးပါးသည် ခြားနားသော်လည်း ကွဲပြားခြင်းမရှိဘဲ ထာဝရ သုံးပါးတစ်ပါး အဖြစ် တည်ရှိနေသည်။
• ခရစ်တော်၌ ဘုရားသခင်သည် ယေရှုဟူသော အမည်ဖြင့် စစ်မှန်သော၊ စုံလင်သောလူသားဖြစ်ရန် လူ့ဇာတိခံယူခဲ့သည်။ ကိုယ်တော်သည် ကားတိုင်ပေါ်အသေခံကာ၊ ကျွန်ုပ်တို့၏ ရွေးနုတ်ခြင်းအတွက် ကိုယ်စားပြုအသေခံခြင်းဖြင့် အသေခံခဲ့သည်။ သုံးရက်မြောက်နေ့တွင် သေခြင်းမှ ထမြောက်ကာ၊ ဘုန်းထင်ရှားသည့် ကိုယ်ခန္ဓာဖြင့် ရှင်ပြန်ထမြောက်ခဲ့သည်။ ကိုယ်တော်သည် ဘုရားသခင်၏ လက်ယာတော်သို့ တက်ကြွခဲ့ပြီး၊ အလုံးစုံတို့၏ သခင်ဖြစ်စေခြင်း ခံရသည်။
• လူသည် အပြစ်ပြုခဲ့ပြီး၊ အပြစ်နှင့် ပြည့်ဝကာ၊ ထိုသို့ဖြင့် ဘုရားသခင်၏ တရားစီရင်ခြင်း အောက်သို့ ကျရောက်သွားခဲ့သည်။ သို့သော် ခရစ်တော်၏ ကိုယ်စားပြု အသေခံခြင်းမှတစ်ဆင့် လူသည် အပြစ်နှင့် ဘုရားသခင်၏ တရားစီရင်ခြင်းမှ ကယ်တင်ခြင်း ခံရရန် လမ်းပွင့်လာခဲ့သည်။ မည်သည့်အချိန်ဖြစ်ဖြစ် မည်သူမဆို ဘုရားသခင်ထံသို့ နောင်တရ၍ သခင်ယေရှုခရစ်တော်အထဲသို့ ယုံကြည်သောအခါတိုင်း သူသည် ထာဝရ ကယ်တင်ခြင်း၊ အပြစ်များကို ခွင့်လွှတ်ခံရခြင်း၊ ဘုရားသခင့်ရှေ့တော်၌ ဖြောင့်မတ်ရာသို့ ရောက်ခြင်း၊ ဘုရားသခင်နှင့် သင့်မြတ်ခွင့်ရခြင်း တို့ကို လက်ခံရရှိခဲ့သည်။ ဤအရာပေါ် အခြေခံ၍ ကယ်တင်ခံရသောသူသည် ဘုရားအသက်နှင့် သဘောသဘာဝကို ရရှိကာ၊ ဘုရားသခင်၏ သားဖြစ်လာပြီး၊ ခရစ်တော်၏ ကိုယ်ခန္ဓာတော်၏ အင်္ဂါဝင် ဖြစ်လာ၍၊ ယုံကြည်သူများအားလုံးနှင့်အတူ ကြီးထွားလျက် ရင့်ကျက်သည့်တိုင် အတူတကွ တည်ဆောက်ခံရသည်။
• ခရစ်တော်သည် ယုံကြည်သူများကို ကိုယ်တော်ကိုယ်တိုင်ထံသို့ လက်ခံရယူရန် မြေကြီးပေါ်သို့ တစ်ဖန် ကြွလာမည်ဖြစ်သည်။ ထာဝရကာလ၌ ကျွန်ုပ်တို့သည် ရွေးချယ်ခံများကို ဘုရားသခင်ကယ်တင်တော်မူခြင်း၏ အဆုံးစွန်ပြီး မြောက်ခြင်းဖြစ်သည့် ယေရုရှလင်မြို့သစ်၌ ဘုရားသခင်နှင့်အတူ ကိန်းဝပ်ကြလိမ့်မည်ဖြစ်သည်။

Rhema ၌ ကျွန်ုပ်တို့၏ ပန်းတိုင်မှာ တုနှိုင်းရာမဲ့ ခရစ်ယာန်စာပေများကို အခမဲ့ ဝေမျှပေးပြီး၊ စာဖတ်သူ၏ နားလည်မှုကို တိုးတက်လာစေရန်နှင့် ဓမ္မသစ်ယုံကြည်ချက်ကို တွေ့ကြုံခံစားစေရန် ဖြစ်ပါသည်။ ယုံကြည်သူများသည် ကိုယ်တော်၏ ရွေးနုတ်ခြင်းမှတစ်ဆင့် ခရစ်တော်၌ ထာဝရကယ်တင်ခြင်းကို မွေ့လျော်ဝမ်းမြောက်ရုံသာမက၊ ကိုယ်တော့်အသက်တော်၌ နေ့စဉ်ကယ်တင်ခြင်းကိုလည်း မွေ့လျော်ဝမ်းမြောက်ကာ၊ သမ္မာကျမ်းစာမှ ဝိညာဉ်ရေးရာ အစာအားဖြင့် လက်တွေ့ကျကျ သိနားလည်စေရန် ဖြစ်ပါသည်။ ဤအရာသည် ကျွန်ုပ်တို့ တွေ့ကြုံခံစားခဲ့သော အရာပင်ဖြစ်ပြီး၊ ယင်းသည် သင်၏အတွေ့အကြုံလည်း ဖြစ်လာမည့်အကြောင်း ကျွန်ုပ်တို့ မျှော်လင့်ပါသည်။