ENGTIKAH NGE KHAWVÊL A TÂWP ANG?
Khawvêl puma hrilêng te, lirnghing te, thlipui tleh te, tuilêt ang chi chhiatna a thlen apiangin, miten engtikah nge khawvêl a tâwp ang tih an ngaihtuah ṭhin. Hei hi kan ngaihthah theih miah loh zawhna urhsûn tak a ni a. Mi ṭhenkhat chuan thih an hlauh avângin he zawhna hi an zâwt ṭhin. Midangte chuan rorêlsakna nî chu an hlau a, a ṭhenin Pathianin kan awmna hmun chhe tak hi a tihtâwp thuai a, mite chu muanna leh lâwmnaa an nun theih nana a hmangaihna leh felna lalram rawn hruailût tûrin an beisei bawk a.
He zawhna chhâng tûra tling thuneitu awmchhun Pathian chuan a zawlnei rinawmte kaltlangin thu a sawi a, a thusawi chu ziah thlâk niin, lehkhabu pakhat, Bible-ah dahkhâwmin a awm a ni (Matthaia 24:36). Hetah hian he zawhna hi Bible angin kan chhâng ang a, tun khawvêl hi engtin nge a tâwp dâwn tih kan en dâwn a ni.
Pathianin Thil a Siam Chhan
Engtikah nge a tâwp ang tih kan hriat hmain engvângin nge Pathianin vânte leh lei a siam kan hrethiam phawt tûr a ni. Thilsiama Pathian thiltum chu a anpuia siam, a nunna anga Amah nena tihkhah, Amah lanchhuahtir a, lei pumpui chunga a tâna rorêl tûr huho mihring anga sakchhoh mihring hlâwm neih a ni a (Genesis 1:26). Hei hian he huho mihring hi sakchhoh a nih loh chuan khawvel chu a tâwp dâwn lo tih min kawhhmuh a ni (Ephesians 4:12). Pathian chuan he kutchhuak mawi tak hna hi a la thawk mêk a, chumi pêng chu i ni thei a ni (Eph. 2:10).
Lei chu Hman Chul Tawh a ni
Thilsiam pumpui hi a hlui tawh êm êm a. Tun hnai lawkah khân thilsiam pumpui hi kum 13.8 billion kaltaa siam niin an chhût a. Pathianin mihring a siam aṭang khân, mihring chuan leilung thilte chu a hmang ṭan tawh a. Kum zabi liam taah khân, mihringin heng leilung thil a hmanralna hi a pung chak hlê a, nasa takin a kiam tawh a ni. Hetianga hmanralna hi tun anga a kal chhunzawm zêl chuan, kan oil khekkhal ang chite pawh hian kum zabi lo awm tûr chu a daih dâwn lo a ni. Ozone layer (lei aṭanga km 10 a hla boruak, ni zung lo hiptu) a kaw zâu tak awm hian vun cancer a siam nasa lehzual thei a. Greenhouse gas te chu boruakah an pung zêl a, khawvêl pum a tihlum phah lehzual a, sik leh sâ chu a nih ang taka awm thei lovin a thlâk kual a, khawkhêng te, kângmei te leh tuilêt tam zâwk a thlen a ni. Hurricane leh typhoon (thli chhia) ang chite chu a thleng zingin, a nasa zual zêl a. Ramngawte chu an ral zêl a; ramsate tân chênna tûr a tlêm tial tial a, oxygen (boruak ṭha) pechhuak tûrin thing a tlêm tial tial bawk a. Tuifinriat zâwl (sea level) te chu a tam tual tual a, mi maktaduai chuang chênna hmun chu a chîm pha lek lek tawh a ni. Tui awmna leihnuaite chu a ral a, hei hian tui thiang ṭha kan mamawh ber chu min tlâkchhamtîr a. Chemical leh nuclear nâwite chu tui thiang ṭha châwmnaah leh tuifinriatahte an luanglut ruih ruih a. Boruak pawh second tin tihbawlhhlawhin a awm zual zêl a, hei hian khawpui lûn tam taka chengte tân thâwklama harsatna urhsûn tak a siam a. Khawvêl mi chêngte tam zâwng lah a pung chak êm êm a. Kan dam khawchhuahna tûr chaw leh thil ṭul dangte chu kan damkhawchhuahna a tan te, kan fate damkhawchhuahna tûr atâna mamawhna a sâng chho zel a. Nuclear ralthuam hlauhawm tak hi tawng lo mahila, lei hi kum 30, kum 50 vêlah chuan vawiina kan chênna lei ang hi a ni reng tawh dâwn lo a ni. Bible chuan engtikah emaw, lei hmantlâkna chu a ral ang a, hâl mai tûr puanchhe hlui anga tumtêlin a awm ang tih min hrilh a ni (Hebrai 1:10-12; 2 Petera 3:12).
Khawvêl Tâwpna Thlentu Nîte
Bible chuan engtikah nge khawvêl a tâwp dâwn tih min hrilh lo va. A darkar emaw, a nî emaw kan hre dâwn lova (Matt. 25:13), mahse khawvêl tâwpna thlentu nîte chu eng ang nge an nih dâwn tih min hrilh a ni. Ni hnuhnungahte chuan, indonate, indo thuthangte, ṭâmte, leh lirnghingte a awm ang a (Matt. 24:6-7). Dân neih lohna boruak chu nasa takin ni hnuhnungah chuan a pung dâwn a ni (Matt. 24:12). Mi tam takin Pathian leh mihring an hmangaihna chu a lo chuai ang a (Matt. 24:12). Nunna chu lungkhamna tam takin a khat ang a, hengte avâng hian, mite chuan heng lungkhamna tlânchhiatsan tum hian nawmsipbâwlna leh ruihna chi zawng zawngah an tlân zêl ang (Luka 21:34). Bible chuan khawvêl tâwp thlenga sakawr pali tlânna entirna min pe a (Thup. 6:1-8). Sakawr palite chu chanchin ṭha, indona, ṭâm leh thihna te an ni a. He an tlânna hi a la inchhunzawm zêl a, a nasa tial tial bawk ang. Heng zinga pakhat tê pawh hi a bo dâwn lo va, thilte chu ṭha zêl se tih kan beisei ang hian, engmah a ṭha chho dâwn lo va, a chhe tual tual zâwk dâwn a ni.
Khawvêl Tâwpna Kawng
Amaherawhchu, Bible hian engtin nge khawvêl a tâwp dâwn tih min hrilh a. Hetah hian chiang taka tihlanna a awm a ni. Khawvêl tâwp hma kum sarih te chu kum thum leh a chanvein a inṭhen a. Kum thum leh a chanve hmasa zâwk chu a muanawm a. Hemi hun tâwpah hian, Pathian chuan nunna anga Amaha khat, huho mihring siamna hna chu a zo tawh dâwn a ni (Thup. 12:5). Heng mite hi hnehtute chu an ni a. Tichuan anni chu vânah a hruaichho ang a. Chumi hmunah chuan Setana, diabola chu an hneh ang a, leiah an paihthla ang (Thup. 12:9-11; 14:1). Tichuan thlarau bawlhhlawh chu antichrist tia an sawi mihring sual tak chhûngah a lût ang a, Setana chuan a hnenah a thiltihtheihna a pe dâwn a ni (Thup. 13:2). Hei hi khawvêl kum thum leh a chanve hnuhnung zâwk inṭanna chu a ni ang. Bible chuan hemi hun hi Hrehawmna Nasa tak (Rapthlâk Eltiang) tiin a ko a ni (Matt. 24:11). Hetih hun hi lei chu miin a duh duh dâna a nun theihna hmun a ni tawh dâwn lo va (Thup. 3:10). Antichrist chuan mihrinnna chu nasa takin a tichhia ang a, chutih rualin, chhiatna thleng tam tak a awm bawk ang (Thup. 11:13). Kum thum leh a chanve hnuhnung zâwk tâwpah chuan, Krista leh a hnehtute chu antichrist leh a sipaite nuaisawm tûrin Armageddon-ah vân aṭangin an lo chhuk ang a (Thup. 16:16; 19:13-16; 17:14). Tichuan Pathian lalram chu leiah hruaithlâkin a awm ang a, Setana chu kum sângkhat chhûng khungbovin a awm ang a (Thup. 20:2). Kum sângkhat tâwpah, Setana chu reilote chhuah leh a ni ang. Chhiatna tam zâwk a thlen belh ang a, mahse chumi hnuah chuan meidilah paih a ni dâwn a ni (Thup. 19:20; 20:10). Setana leh a ṭhuihruai zawng zawngte chu kumkhuain chumi hmunah chuan rorêlsakin an awm ang. Mahse Pathian lam hawitute leh Pathian nena tihkhah ni tûra inhawngte chu lei tihtharah chuan chatuan atân Pathianah leh Pathian nen an nung dâwn a ni (Thup. 11:15). Lâwmna, muanna leh felna a awm ang a (Thup. 22:3, 5). Mittui tlakna, tlâkchhamna, dam lohna, rûkrûkna, fel lohna emaw, thihna a awm tawh lovang (Thup. 21:3-4).
Hrehawm Nasa tak khawvêl tâwp huna lo thleng tûr chhiatna pumpelh i duh chuan, vawiin hian Pathian lamah i sim a, Amah leh a chhandamna i dawn a ngai a ni (Matt. 4:17; Ephesi 5:18-19; John 10:10). Setana tihchhiat leh Pathian rorêlsakna pumpelh i duh chuan, a hnuaia mi ang hian ṭawngṭai tûrin kan fuih che a ni:
"Aw Lalpa Isu! Setana lalram aṭangin Pathian lalramah chuan min sawn la. I chhûngah leh Nangmah nen chatuanin nun ka duh a. Ka nunna ni tûrin ka chhûngah lo lût ang che. Tunah hian i chhandamnaah ka luh theih nan ka mamawh che."
Pathian leh mihring tâna a ruahmanna chhiar belh i duh chuan, khawngaihin kan website hi lo tlawh ang che: https://www.rhemabooks.org/ls/articles/questions-about-god-man-and-what-is-happening-on-the-earth/